Awdalstate.com- Mogadishu- Guddoonka Aqalka Sarre ee Baarlamaanka. RW ku-xiggeenka Saalax Jaamac. Xildhibaanada iyo Wasiirada reer Sheekh Isxaaq ay ku leeyihiin Xukuumadda, ayaa ku Goodiyey in haddii RW Xamse uu booqdo magaalada Laascaanood iyaguna ay ku laabanayaan Hargeysa oo ay ka tanaasulayaan Qadiyadii Soomaali weyn isku keenisteeda ahayd ee Xamar ay u joogeen.
Haddaba waxaa is weydiin mudan booqashada Xamse ee Laascaanood iyo Qadiyada reer Shiikh Isxaaq ee arragtida gooni goosadka ah maxaa iska galey? Siyaasiyiinta reer Shiikh Isxaaq ma waxey Muqdisho u joogaan Difaacida arragtida gooni goosadka ah mise Midnimo Soomaaliyeed raadinteeda?
Haddiise Xamse Laascaanood tago maxaa ku jaban? Sow lamid ma ahan Baydhabo, Garoowe, Dhuusamareeb, Kismaayo, Garoowe. Waa maxey diidmada qayaxan ee Mas’uuliyiinta reer Shiikh Isxaaq ku diidanyihiin in Xamse tago Laascaanood? Waa maxey dhaawaca Qaran ee aan hadda jirin ee marka Xamse Laascaanood tago dhici kara?
Haddii aanu ogeyn Xamse oo Wasiir Xukuumadiisa ka tirsan xil uu ka qaadey 20 cisho ka hor wareejin waayey Wasaaraddii, maanta waxaanu ogaaneynaa in Xamse safarkiisa Laascaanood ay u diidanyihiin Siyaasiyiinta reer Shiikh Isxaaq ee Muqdisho jooga.
Xigasho: Hassan Ali Nur
