Masar ayaa beenisay eedeymo uga yimid taliyaha ciidamada militariga Suudaan Maxamed Xamdaan Dabaglo oo ku saabsan in ay ku lug leeyihiin dagaalka Suudaan iyaga oo garabsanaya ciidamada.
Masar ayaa beenisay eedeymo uga yimid taliyaha ciidamada militariga Suudaan Maxamed Xamdaan Daglo, oo dagaal kula jira ciidamada tan iyo bishii Abriil ee sanadkii hore, kaasoo ahaa in ciidankeeda uu ku lug leeyahay colaadda.
Dagaalka u dhexeeya ciidamada Daglo ee taageerada degdega ah iyo militariga caadiga ah, oo uu hogaaminayo taliyaha ciidamada Cabdel Fattah al-Burhan, ayaa dilay tobanaan kun, waxaana uu sababay barakaca ugu weyn ee adduunka.
Muuqaal la soo dhigay arbacadii online-ka, Daglo waxa uu ku eedeeyay ciidamada cirka Masar inay qaadeen weeraro ay ku bartilmaameedsadeen ciidamadooda meel u dhow Jebel Moya, oo ah aag muhiim ah oo koonfurta ka xigta Khartuum.
“Masar way nala dagaalamaysaa,” ayuu yirri, isagoo ku eedeeyay inay ka mid tahay lix waddan oo faragelin ku haya colaadda oo ay ku jirto Iiraan.
Sahayda Iiraan ee Mohajer-6 Drones, oo ay xaqiijiyeen laba khabiir oo dhanka hubka ah oo loo soo gudbiyay wakaalada wararka ee AFP, ayaa u muuqatay mid siinaysa ciidanka si ay u hormariyaan caasimada Suudaan horaantii sanadkan.
War qoraal ah oo ay soo saartay gelinkii dambe ee Arbacadii, ayay wasaaradda arrimaha dibadda Masar ku diiday sheegashada Daglo. Masar waxay beenisay eedeymaha… ee ku saabsan ka qeyb qaadashada ciidamada cirka Masar dagaalada ka socda dalka aan walaalaha nahay ee Suudaan,” ayaa lagu yirri bayaanka.
Taliyaha ciidamada Burhaan ayaa taariikh ahaan aad isugu dhowaa madaxweynaha Masar Cabdel Fattah al-Sisi. Falanqeeyayaasha ayaa sheegaya in dagaalka Suudaan uu noqday goob ay ku ciyaaraan dad gacan saar la leh, iyaga oo si gaar ah uga digay saameynta ay Imaaraadka Carabta ku leeyihiin taageerada RSF.
Bishii Diseembar, khubarada Qaramada Midoobay u qaabilsan kormeerka cunaqabateynta hubka ee saaran gobolka Daarfuur ee dalka Suudaan ayaa ku tilmaamay “eedeymo lagu kalsoonaan karo” oo Abu Dhabi ay hubka u daadisay ciidamada Daglo diyaarado xamuul ah.
Sida laga soo xigtay diblomaasiyiin, Maraykanku wuxuu dhawaan ku cadaadisay Imaaraadka Carabta inay albaabada u xiran yihiin taageerada ay siiyaan RSF, inkastoo madaxweynaha Mareykanka Joe Biden uu Abu Dhabi u magacaabay “saaxiibka weyn ee difaaca”.
Ciidamada iyo RSF-ta labaduba waxaa lagu eedeeyay in ay gabood falyo soo noq-noqday oo ay ka mid yihiin beegsiga dadka rayidka ah, duqeymaha aan loo meel dayin ee lagu hayo goobaha ay degan yihiin iyo bililiqada ama xannibaadda gargaarka.
RSF waxaa lagu eedeeyay dambiyo ka dhan ah bini’aadminimada, xadgudub galmo oo nidaamsan iyo nadiifin qowmiyadeed.
Xigasho- https://www.diblomaasi.com
